સેન્સેક્સ 422 પોઈન્ટ ઘટીને 77,155 પર બંધ:અદાણી એન્ટરપ્રાઇઝના શેરમાં 23 ટકાનો ઘટાડો, નિફ્ટી પણ 168 પોઈન્ટ ગગડ્યો.

શેરબજારમાં આજે એટલે કે 21મી નવેમ્બરે ઘટાડો જોવા મળ્યો છે. સેન્સેક્સ 422 પોઇન્ટના ઘટાડા સાથે 77,155 પર બંધ થયો હતો. તેમજ, નિફ્ટી પણ 168 પોઈન્ટ ઘટીને 23,349ની સપાટીએ બંધ થયો હતો.

સેન્સેક્સના 30 શેરોમાંથી 20માં ઘટાડો અને 10માં તેજી જોવા મળ્યો છે. આજે FMCG અને ઓટો શેર્સમાં ભારે ઘટાડો જોવા મળી રહ્યો છે. અદાણી એન્ટરપ્રાઈઝનો શેર 23.44%ના ઘટાડા સાથે નિફ્ટીમાં ટોપ લુઝર રહ્યા હતા. જ્યારે આજે આઈટી શેરમાં તેજી જોવા મળી છે.

એશિયન બજારો માટે મિશ્ર કારોબાર :-

👉 એશિયન માર્કેટમાં જાપાનનો નિક્કેઈ 0.83% અને કોરિયાનો કોસ્પી 0.19%ની તેજી છે. તેમજ, ચીનના શાંઘાઈ કમ્પોઝિટમાં 0.14%નો ઘટાડો જોવા મળી રહ્યો છે.

👉 20 નવેમ્બરના રોજ, યુએસ ડાઓ જોન્સ ઇન્ડસ્ટ્રિયલ એવરેજ 0.32%ના ઉછાળા સાથે 43,408 પર અને S&P 500 0.002% વધીને 5,917 પર બંધ થયો. નેસ્ડક 0.11% ગગડીને 18,966 પર બંધ થયો હતો.

👉 NSEના ડેટા અનુસાર, વિદેશી રોકાણકારો (FII) એ 19 નવેમ્બરે ₹3,411 કરોડના શેર વેચ્યા હતા. આ દરમિયાન, સ્થાનિક રોકાણકારો (DII) એ ₹2,783 કરોડના શેર ખરીદ્યા હતા.

ગૌતમ અદાણી પર ન્યૂયોર્કમાં છેતરપિંડી અને લાંચ આપવાનો આરોપ

ન્યૂયોર્કની ફેડરલ કોર્ટમાં થયેલી સુનાવણીમાં ગૌતમ અદાણી સહિત 8 લોકો પર અબજો ડોલરની છેતરપિંડી અને લાંચ આપવાનો આરોપ લાગ્યો છે. યુનાઇટેડ સ્ટેટ્સ એટર્ની ઓફિસનું કહેવું છે કે અદાણીએ સૌર ઊર્જા સંબંધિત કોન્ટ્રાક્ટ મેળવવા માટે ભારતીય અધિકારીઓને $250 મિલિયન (લગભગ 2110 કરોડ રૂપિયા)ની લાંચ આપવાનું વચન આપ્યું હતું. આ સમાચાર બાદ અદાણી ગ્રુપના તમામ 10 શેરમાં ઘટાડો જોવા મળી રહ્યો છે.

આજે NTPC ગ્રીન એનર્જી IPOનો બીજો દિવસ

આજે NTPC ગ્રીન એનર્જી લિમિટેડના IPOનો બીજો દિવસ છે. પ્રથમ દિવસે એટલે કે 19મી નવેમ્બરે કુલ 0.36 ગણો સબસ્ક્રાઇબ થયો હતો. આ IPO રિટેલ કેટેગરીમાં 1.47 વખત, ક્વોલિફાઈડ ઈન્સ્ટિટ્યુશનલ બાયર્સ (QIB) કેટેગરીમાં 0 વખત અને નોન-ઈન્સ્ટિટ્યુશનલ ઈન્વેસ્ટર્સ (NII) કેટેગરીમાં 0.17 ગણો સબસ્ક્રાઈબ થઈ ગયો છે.

મહારાષ્ટ્ર વિધાનસભાની ચૂંટણીને કારણે 20 નવેમ્બરે શેરબજાર બંધ હતું, તેથી ગઈકાલે આ મુદ્દા માટે બિડિંગ થઈ શક્યું ન હતું. રોકાણકારો આ પબ્લિક ઇશ્યૂ માટે 22 નવેમ્બર સુધી બિડ કરી શકશે. કંપનીના શેર 27 નવેમ્બરે બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે.

19મી નવેમ્બરે બજારમાં તેજી જોવા મળી હતી.

19 નવેમ્બરે સેન્સેક્સ 240 પોઈન્ટના વધારા સાથે 77,578 પર બંધ થયો હતો. નિફ્ટી 65 અંક વધીને 23518ના સ્તરે બંધ થયો હતો. જો કે સેન્સેક્સમાં દિવસના હાઈ સ્તરેથી 873 પોઈન્ટનો ઘટાડો જોવા મળ્યો હતો. સવારે સેન્સેક્સ લગભગ 1000 પોઈન્ટ ઊછળ્યો હતો. તેમજ, નિફ્ટી હાઈ સ્તરેથી 262 પોઇન્ટ ગગડ્યો હતો. મહારાષ્ટ્ર વિધાનસભા ચૂંટણીના કારણે 20 નવેમ્બરે શેરબજાર બંધ રહ્યું હતું.